სამეგრელო
ვიკიპედიიდან, თავისუფალი ქართულენოვანი ენციკლოპედიიდან
სამეგრელო
სამარგალო
ისტორიული სამეგრელო დევიზი: ძალა ერთობაშია
ადმ. ცენტრი ზუგდიდი
რეგიონი სამეგრელოს და ზემო სვანეთის მხარე
რწმუნებული ზაზა გოროზია
ფართობი 7,441 კმ²
მოსახლეობა 451852 (2002)
სიმაღლე 0-4493 მ (ზღვის დონიდან)
კოორდ. დასაზუსტებელია
დრ. სარტყელი დზკ +4 (ზდ +3)
სამეგრელო (მეგრ. სამარგალო) საქართველოს ისტორიულ-გეოგრაფიული მხარეა. ეს
არის მდინარე რიონს, ცხენისწყალს, ენგურსა და შავ ზღვას შორის მოქცეული
ტერიტორია. სახელწოდება მომდინარეობს ისტორიული მხარის ეგრისისაგან. ქართულ
წერილობით წყაროებში იხსენიება XII საუკუნიდან. თავდაპირველად გაიგივებული
იყო მთლიანად დასავლეთ საქართველოსთან, XIII-XV საუკუნეებში უკვე ვიწრო
მნიშვნელობა აქვს — აღნიშნავს მეგრელებით დასახლებულ ტერიტორიას მდინარე
ფსირცხასა და ცხენისწყალს შორის. მისი დედაქალაქია ზუგდიდი.
გვიანდელ შუა საუკუნეებში ამ ტერიტორიაზე ოდიშის სამთავრო შეიქმნა, ახალი
სახელწოდებაც აქედან მიიღო — ოდიში. XVII საუკუნიდან აფხაზ ფეოდალთა
მოძალების შედეგად, დროთა განმავლობაში სამთავროს საზღვარმა ჯერ მდინარე
კელასურზე, შემდეგ ღალიძგაზე, ბოლოს კი ენგურზე გადმოინაცვლა.
დღევანდელი ადმინისტრაციულ-ტერიტორიული დაყოფით სამეგრელო შედის
სამეგრელო-ზემო სვანეთის მხარეში და მოიცავს ქალაქ ფოთის, აბაშის,
ზუგდიდის, მარტვილის, სენაკის, ჩხოროწყუს, წალენჯიხის და ხობის რაიონების
ტერიტორიას.
